وزیراعظم گلگت پہنچ گئے، گورنر اور وزیراعلیٰ سے الگ الگ ملاقاتیں

گلگت بلتستان (صداۓ سچ نیوز) وزیراعظم شہباز شریف ایک روزہ دورے پر گلگت پہنچ گئے۔ گورنر گلگت بلتستان اور نگران وزیراعلیٰ سے الگ الگ ملاقاتیں کیں۔ وزیراعظم گلگت بلتستان میں اہم منصوبوں کا افتتاح بھی کریں گے۔

وزیراعظم شہباز شریف ایک روزہ دورے پر گلگت پہنچ گئے جہاں گورنر گلگت بلتستان سید مہدی شاہ اور نگران وزیراعلیٰ جسٹس ریٹائرڈ یار محمد نے ان کا استقبال کیا۔ اس موقع پر اعلیٰ حکومتی حکام اور مقامی انتظامیہ بھی موجود تھی۔

وزیراعظم کے ہمراہ وفاقی وزراء عبدالعلیم خان، احسن اقبال، اویس لغاری اور عطاء اللہ تارڑ بھی گلگت پہنچے جبکہ امیر مقام، خالد مقبول صدیقی، رانا ثناء اللہ اور معاون خصوصی طلحہ برکی بھی وفد میں شامل ہیں۔

یہ بھی پڑھیں:  کراچی، شناختی کارڈ بنوانے کے خواہشمند شہریوں کیلئے بڑی خوشخبری

وزیراعظم شہباز شریف کی گورنر گلگت بلتستان اور نگران وزیراعلیٰ سے الگ الگ ملاقاتیں ہوئیں جن میں گلگت بلتستان میں جاری ترقیاتی منصوبوں، امن و امان کی صورتحال اور عوامی فلاحی اقدامات پر تفصیلی گفتگو کی گئی۔

وزیراعظم اپنے دورے کے دوران گلگت بلتستان کیلئے سولر بجلی منصوبے، سیف سٹیز منصوبے، لیپ ٹاپ اسکیم اور یوتھ بزنس و ایگری لون اسکیم کا افتتاح کریں گے جبکہ علاقے میں 4 دانش اسکولز کا سنگ بنیاد بھی رکھا جائے گا۔