نئی ائیرلائن ساؤتھ ائیر کی کراچی سے گوادر کی پہلی پرواز کا آغاز

کراچی (صدائے سچ نیوز) پاکستان کی نئی نجی فضائی کمپنی ساؤتھ ائیر نے باقاعدہ پروازوں کا آغاز کراچی سے گوادر کی پہلی فلائٹ سے کردیا۔

تفصیلات کے مطابق فلائٹ نمبر Z8-905 سوموار کے روز دوپہر 12 بجے کراچی سے گوادر روانہ ہوئی، جس کیساتھ ہی ساوتھ ائیر نے اپنے فضائی آپریشنز کے باقاعدہ آغاز کا سنگ میل عبور کرلیا۔

مزید یہ کہ سکھر سے آپریشنز کا آغاز کرنے کیلئے ایک نیا جہاز سکھر پہنچ ایئرپورٹ پہنچ گیا۔

یہ بھی پڑھیں: ساؤتھ ایئر پاکستان میں علاقائی پروازوں کے آغاز کے لیے تیار

گوادر کی تاجر برادری نے کراچی سے گوادر کے لیےنئی فضائی سروس کے آغاز کا خیرمقدم کرتے ہوئے کہا کہ اس سے گوادر، کراچی اور دیگر شہروں کے درمیان سفری و تجارتی روابط میں بہتری آئیگی اور تاجروں کو آنے جانے میں آسانی اور وقت کی بچت ہوگی۔