وزیراعلیٰ پنجاب نے کے پی اور دہشتگردی سے متعلق غیر ذمہ دارانہ بیان دیا، بیرسٹرگوہرعلی

اسلام آباد (صداۓ سچ نیوز) چیئرمین پی ٹی آئی بیرسٹرگوہر نے خیبرپختونخوا کے خلاف مریم نواز کے بیان پر اظہار افسوس کرتے ہوئے کہا کہ وزیراعلٰی پنجاب نے کے پی اور دہشتگردی سے متعلق انتہائی غیرذمہ دارانہ بیان دیا، ایک صوبے کے خلاف ایسا بیان مزید تناؤ پیدا کرسکتا ہے۔

اڈیالہ جیل کے باہر میڈیا سے گفتگو کرتے ہوئے بیرسٹر گوہر نے کہا کہ ایک طرف ہم کہتے ہیں کہ دہشتگردی کے پیچھےرا ہے، دہشتگردی کسی صورت نہیں ہونی چاہیے،نیشنل ایکشن پلان پرعمل ہوناچاہیے، ہماری کسی سے ایسی ملاقات نہیں ہوئی جو سولو فلائٹ کہی جا سکے،  مذاکرات کا اختیار ہی محمود اچکزئی اور علامہ راجہ ناصر عباس کے پاس ہے۔