ایران روس کیساتھ تعاون بڑھاتے ہوئے نئے نیو کلیئر پاور پلانٹ تعمیر کرنے میں دلچسپی رکھتا ہے، روسی توانائی ایجنسی

ماسکو (صداۓ سچ نیوز) روسی سرکاری جوہری توانائی کارپوریشن روس ایٹم کے سربراہ الیکسی لیخاچیوف نے کہا ہے کہ ایران روس کے ساتھ تعاون بڑھاتے ہوئے نئے جوہری بجلی گھروں کے یونٹس تعمیر کرنے میں دلچسپی رکھتا ہے۔

روسی خبر رساں ادارے ریا نووستی کے مطابق لیخاچیوف نے ایران میں نئے جوہری بجلی گھروں کی تعمیر کے امکانات سے متعلق سوال پر کہا کہ بلاشبہ ایران کی اس میں دلچسپی ہے۔

ایران میں اس وقت ایک نیو کلیئر پاورپلانٹ فعال ہے جو بوشہر میں واقع ہے۔

ستمبر 2025 میں ایران اور روس نے جنوبی ایران کے صوبہ ہرمزگان میں مجوزہ ہرمز جوہری بجلی گھر میں 4 یونٹس کی تعمیر کے لیے 25 ارب ڈالر کے معاہدے پر دستخط کیے تھے۔