جتنی مرضی کسی کی صلح کرا لیں،بہتری تب آئے گی جب اہم ایک دوسرے کیساتھ کھڑے ہوں گے، بیرسٹر گوہر

اسلام آباد (صداۓ سچ نیوز) چیئرمین پی ٹی آئی بیرسٹر گوہر نے داہگل ناکے پر میڈیا سے گفتگو کرتے ہوئے کہا کہ ایران امریکا مذاکرات کیلئے جس نے بھی کردار ادا کیا ہم اُسےسراہتے ہیں،وزیراعظم، فیلڈ مارشل،چیف جسٹس سے مطالبہ کرتا ہوں کہ ہم اس ملک کے شہری ہیں، جتنی مرضی کسی کی صلح کرا لیں،بہتری تب آئے گی جب اہم ایک دوسرے کیساتھ کھڑے ہوں گے۔

یہ بھی پڑھیں: آبنائے ہرمز سے 24 گھنٹے میں ایک بھی ایرانی جہاز نہیں گزر سکا، سینٹ کام

تفصیلات کے مطابق بیرسٹر گوہر کا کہناتھا کہ میرے پاس پارٹی چیئرمین شپ بانی کی امانت ہے وہ جب کہیں گے چھوڑ دوں گا،میرے خلاف پھیلائی گئی سب باتیں افواہیں ہیں،اپنے مؤقف سے پیچھےنہیں ہٹوں گا،امید ہے حکومت کیساتھ ایک ڈیڑھ ماہ تک بات چیت کو کوئی سلسلہ چل پڑےگا،بات چیت کا اختیار اپوزیشن لیڈر محمود خان اچکزئی کے پاس ہے، امید ہے کوئی نہ کوئی پیشرفت ہو جائے گی ، فی الوقت ہمارے کسی سے کسی قسم کے مذاکرات نہیں ہو رہے۔