امریکی ناکہ بندی کے باوجود ایرانی جہاز آبنائے ہرمز سے گزرگئے

واشنگٹن (صداۓ سچ نیوز) امریکی ناکہ بندی کے باوجود 4 ایرانی بحری جہاز آبنائے ہرمز سے گزر گئے۔

برطانوی نشریاتی ادارے بی بی سی نے ٹریکنگ ڈیٹا کے حوالے سے لکھا کہ 4 میں سے 2 بحری جہاز ایرانی بندرگاہوں سے روانہ ہوئے تھے۔ باقی دو وہ جہاز تھے جو امریکی پابندیوں کی زد میں ہیں۔ اس کے باوجود ایک جہاز شارجہ سے روانہ ہوا اور دوسرا چین سے آرہا تھا جو آبنائے ہرمز عبور کرکے ایرانی بندرگاہ پہنچ گیا۔

یہ بھی پڑھیں: امریکا ایرانی بندرگاہوں کا محاصرہ ترک کر دے، سعودی عرب

ترجمان ایرانی پاسداران انقلاب کا کہنا ہے کہ امریکا پہلے بھی خالی ہاتھ بھاگا تھا اب بھی ایسا ہی ہوگا۔ جنگ جاری رہی تو نئے ہتھیار سامنے لائیں گے۔ دشمن ہماری صلاحیت کا اندازہ نہیں لگاسکتا۔

یہ بھی پڑھیں: ناکہ بندی کے باوجود چینی ٹینکر آبنائے ہرمز سے گزرنے میں کامیاب

دوسری جانب چینی دفتر خارجہ کے ترجمان کا کہنا ہے کہ آبنائے ہرمزکی امریکی ناکہ بندی کشیدگی میں اضافہ کرے گی، امریکی اقدام خطرناک اور غیر ذمہ دارانہ ہے۔ بیان کے مطابق چین مشرقِ وسطیٰ میں امن اور استحکام کیلئے کوششیں کرے گا، صرف مکمل جنگ بندی ہی صورتِ حال کو بہتر بنا سکتی ہے۔