سوات، اے این پی رہنما کے گھر پر فائرنگ، دو افراد زخمی

سوات (صداۓ سچ نیوز) سوات کے علاقے شکردرہ میں اے این پی رہنما ممتاز علی خان کے گھر پر قریبی پہاڑی سے فائرنگ کی گئی ۔ حملے میں ان کے بھائی نعمت علی خان زخمی ہوئے جبکہ ریسکیو کے لئے جانے والی ایمبولینس گاڑی بھی نشانہ بن گئی۔

ڈی آئی جی ملاکنڈ سید فدا حسن شاہ کے مطابق شکردرہ میں ممتازعلی خان کے گھر پربھاری ہتھیاروں سے فائرنگ کی گئی جس میں ان کے بھائی نعمت علی خان زخمی ہوئے ۔ پولیس کی بکتر بند گاڑی پر بھی فائرنگ کی گئی۔

ریسکیو کے لئے جانے والی ایمبولینس بھی نشانہ بن گئی جس کے نتیجے میں میڈیکل ٹینکنش زخمی ہوگیا۔ پولیس کے مطابق علاقے میں بھاری نفری تعینات کرکے سرچ آپریشن جاری ہے ۔ ممتاز علی خان اس سے قبل بھی دو حملوں میں محفوظ رہے۔