ایران کا تنازع بڑھنے کی صورت میں یورپ میں موجود امریکی فوجی اثاثوں پر حملے کرنے پر غور، فنانشل ٹائمز

لندن (صداۓ سچ نیوز) برطانوی اخبارفنانشل ٹائمز کی ایرانی حکومت کے قریبی ذرائع کےحوالےسے رپورٹ کےمطابق ایران میں امریکا سے  تنازع بڑھنے پر مختلف آپشنز پر غور جاری ہے جن میں یورپ میں  امریکی فوجی اثاثوں پر حملے کرنے کا آپشن بھی زیرغورلایا گیا ہے۔

رپورٹ کے مطابق ایرانی افواج نے جنوب مشرقی یورپ، بشمول بلغاریہ میں امریکی فوجی اثاثوں پر ممکنہ حملوں کا جائزہ لیا ہے جبکہ  سائپرس (قبرص) کو بھی  ممکنہ ہدف کے طور پر زیر غور لایاگیا ہے۔

فنانشل ٹائمز کے مطابق ایران  کی جانب سے آبنائے ہرمز سے گزرنے والی زیرِسمندر فائبر آپٹک کیبلز میں خلل ڈالنے کے طریقوں کا بھی جائزہ لیا جاچکاہے۔

فنانشل ٹائمز کے مطابق ایرانی ذرائع کا بات چیت میں کہنا تھا کہ ایرانی جوابی کارروائی کی نوعیت اور شدت کا انحصار امریکا کے اقدامات پر ہوگا۔