بیروت پر حملوں کا جواب، ایران نے اسرائیل پر میزائل داغ دیے

تہران (صدائے سچ نیوز) ایران نے لبنان کے دارالحکومت بیروت پر حملوں کے جواب میں  اسرائیل پر میزائل داغ دیے۔

اسرائیلئ فوج نے دعویٰ کیا ہے کہ ایران کی جانب سے اسرائیل پر میزائل فائر کیے گئے ہیں اور فضائی دفاع نظام میزائل حملوں کوناکام بنا رہا ہے۔

اسرائیلی فوج کے مطابق میزائل لانچ کا پتا چلنے کے بعد حیفا اور شمالی اسرائیل کے دیگر علاقوں میں سائرن بجا دیے گئے۔

اسرائیلی فوج کا کہنا ہے کہ  وہ آئندہ چند گھنٹوں میں ممکنہ حملوں کے پیش نظر ہائی الرٹ پر ہے۔ 

یہ بھی پڑھیں: بیروت پر اسرائیلی حملے کے بعد ایران کی سخت ردعمل کی دھمکی، فیصلہ کن جواب دینے کا اعلان

اسرائیلی فوج کی جانب سے ایران کی طرف سے میزائل فائر کرنے کا دعویٰ اتوار کو بیروت کے جنوبی مضافات پر کیے گئے اسرائیلی حملے کے بعد سامنے آیا ہے، جس میں جانی نقصان کی اطلاعات ہیں۔

واضح رہے کہ ایرانی حکام نے لبنانی دارالحکومت پر اسرائیلی حملے کے جواب میں جوابی کارروائی کی وارننگ دی تھی۔

دوسری جانب پاسداران انقلاب نے خبردار کیا ہے کہ اسرائیل لبنان پر حملے روک دے، ورنہ نتائج مزید تباہ کن ہوں گے۔