ایران کا مذاکراتی عمل میں فلسطینی رہنماؤں کےفیصلوں کی حمایت کا اعلان

تہران (صداۓ سچ نیوز) ایران نے مذاکراتی عمل میں فلسطینی رہنماؤں کےفیصلوں کی حمایت کا اعلان کردیا، ایرانی صدر  مسعود پزشکیان نے حماس کے سیاسی بیورو کے سربراہ کے ساتھ ٹیلی فون پر گفتگو میں کہا کہ ایران مذاکراتی عمل میں فلسطینی رہنماؤں کی طرف سے کیے جانے والے کسی بھی اقدام یا فیصلے کی حمایت کرے گا۔

امریکی صدر ڈونلڈ ٹرمپ نے پچھلے ہفتے کہا تھاکہ حماس نے امن بورڈ کے علاوہ مصر، قطر اور ترکیے کے ساتھ مذاکرات کے بعد ہتھیار ڈالنے پر رضامندی ظاہر کردی ہے۔

واضح رہے کہ اسرائیل کا مؤقف ہے کہ وہ حماس کے غیر مسلح ہونے تک غزہ سے پیچھے نہیں ہٹے گا، جبکہ حماس کا کہنا ہے کہ وہ اسرائیلی فورسز کے پیچھے ہٹنے تک ہتھیار نہیں ڈالے گا۔ منگل کو  اپنے بیان میں اسرائیلی وزیراعظم بن یامین نیتن یاہو نے کہا ہے کہ انہیں ٹرمپ کا غزہ پر منصوبہ قبول نہیں ہے۔