ایران کو جلد ہی روس سے جدید ائیرڈیفنس سسٹم ایس 400 ملنے والا ہے، برطانوی اخبار کا دعویٰ

تہران (صداۓ سچ نیوز) برطانوی روزنامے دی ٹیلی گراف کے مطابق ایس 400 کی خریداری کے لیے روس اور ایران کا معاہدہ تقریباً طے پاچکا ہے۔ اخبار نے روسی صدر مسعود پزشکیان اور محسن رضائی کے حالیہ روسی دوروں کا حوالہ دیتے ہوئے کہا ہےکہ ان دوروں میں روس اور ایران کے درمیان گیس کی نئی پائپ لائن بچھانے پر بھی بات چیت کی گئی ہے۔

ماہرین کے مطابق روس اس سے قبل کئی برس سے ایران کو ایس 400 نظام فروخت کرنےکا عندیہ دیتا رہا ہے، تاہم اسرائیل اور خطے کے دیگر ممالک کے ساتھ تعلقات خراب ہونےکے خدشےکے باعث اس نے اب تک ایسا نہیں کیا۔

اخبار کا کہنا ہے کہ ایران نے حالیہ عرصے میں روس کے ساتھ ہتھیاروں کی فراہمی کےکئی معاہدے کیے ہیں۔ بظاہر یہ معاہدے ایران کے ان طویل مدتی منصوبوں کا حصہ ہیں جن کا مقصد امریکا کے ساتھ ممکنہ جنگ کا مقابلہ کرناہے۔

ساتھ ہی اخبار نے ایران کے لیے ایسے روسی میزائلوں کی تیاری کا بھی انکشاف کیا ہے جنہیں ہیلی کاپٹر سے فائر کیا جاسکتا ہے۔

اخبار کے مطابق ایران کی قومی سلامتی کونسل کے سربراہ محسن رضائی کے دورہ ماسکو سے ٹرمپ کے اس دعوے پربھی سوالات اٹھ گئے ہیں کہ روس ایران کی مدد نہیں کر رہا۔