ایرانی پاسداران انقلاب کی فائرنگ، بھارت کے تیل بردار 2 بحری جہازوں کو آبنائے ہرمز سے گزرنے سے روک دیا

تہران (صداۓ سچ نیوز) ایران کی پاسداران انقلاب نے بھارت کے تیل بردار دو بحری جہازوں کو آبنائے ہرمز سے گزرنے سے روک دیا۔

عرب میڈیا کے مطابق اس دوران ان پر فائرنگ بھی کی گئی۔ بھارتی بحری جہازوں میں وی ایل سی سی سپر ٹینکر بھی ہے۔ بھارتی بحری جہازوں میں 20لاکھ بیرل عراقی تیل لدا ہوا ہے۔

یہ بھی پڑھیں: ناکہ بندی سے اب تک 23بحری جہازوں کو واپس بھیجا جاچکا، امریکی سینٹ کام

دوسری جانب  برطانوی میری ٹائم ایجنسی کے مطابق عمان کے شمال مشرق میں20 ناٹیکل میل دور ایک واقعے کی رپورٹ ملی ہے، پاسداران انقلاب کی گن بوٹس ٹینکر کی جانب آئی ہیں۔

برطانوی میری ٹائم ایجنسی کے مطابق پاسداران انقلاب کی گن بوٹس نے ٹینکر پرفائرنگ کی، ٹینکر اور عملہ محفوظ ہیں،آبنائے ہرمز عبور کرنے کی کوشش کے دوران کم از کم دو تجارتی جہازوں پر بھی فائرنگ کی گئی ہے۔

یہ بھی پڑھیں: ایران کی بحریہ دشمنوں پر نئے نقصانات پہنچانے کیلئے تیار ہے، ایرانی سپریم لیڈر مجتبیٰ خامنہ ای

شپنگ ذرائع کے مطابق فوری طور پر نقصان کی نوعیت واضح نہیں ہو سکی۔