پاسداران انقلاب کا اردن میں امریکی میزائل ڈیفنس ریڈار اور F-15 طیارے کو نشانہ بنانے کا دعویٰ

تہران (صداۓ سچ نیوز) ایران کے پاسداران انقلاب نے اردن میں امریکی فوجی تنصیبات کو نشانہ بنانے کا دعویٰ کیا ہے۔

پاسداران کے شعبہ تعلقات عامہ نے کہا کہ امریکی حملوں کے جواب میں ’آپریشن نصر 2‘ کی 24ویں لہر کے دوران میزائل حملے میں اردن میں قائم ایک امریکی اڈے پر میزائل دفاعی ریڈار سسٹم کو تباہ کیا گیا۔

بیان میں مزید کہا گیا کہ اسی حملے کے دوران ایک امریکی F-15 جنگی طیارے کو اس کے ہینگر کے اندر ہی نشانہ بنا کر تباہ کر دیا گیا۔

پاسداران کے مطابق یہ کارروائیاں دشمن کے ریڈار نظام کو ناکارہ بنانے، فضائی دفاعی نظام کو ختم کرنے اور وسیع تر میزائل و ڈرون حملوں کے لیے راستہ ہموار کرنے کے مقصد سے کی گئیں۔

بیان میں امریکا کو خبردار کرتے ہوئے کہا گیا کہ یہ خطہ امریکی جارحیت پسند افواج کے لیے نہیں ہے اور مزید جانی نقصان سے بچنے کے لیے امریکی فوج کو خطہ چھوڑ دینا چاہیے۔