کراچی میں ایک اور بچہ ایچ آئی وی کا شکار، متاثرہ بچوں کی تعداد 110 ہو گئی

کراچی (صداۓ سچ نیوز) کراچی میں ایک اور بچہ ایچ آئی وی کا شکار، متاثرہ بچوں کی تعداد 110 ہو گئی۔

کراچی میں ایچ آئی وی کے کیسز میں تشویشناک اضافہ سامنے آیا ہے،جہاں گولیمار کے علاقے کے رہائشی 9 سالہ بچے میں ایچ آئی وی کی تصدیق ہوئی ہے۔

متاثرہ بچے کے والدین کے مطابق بچے کا تین مختلف کٹس کے ذریعے ایچ آئی وی ٹیسٹ کیا گیا،جس کی تمام رپورٹس مثبت آئیں،بچے کا گزشتہ سال ولیکا اسپتال میں علاج ہوا تھا، جہاں وہ تقریباً 20 روز تک زیر علاج رہا۔ اسپتال سے واپسی کے بعد بچے کی طبیعت مسلسل خراب رہنے لگی، جس پر مزید طبی معائنے کے دوران ایچ آئی وی کی تشخیص ہوئی۔

والدین نےالزام عائد کیا ہےکہ ان کا بچہ ولیکا اسپتال کے ڈاکٹروں کی مبینہ غفلت کے باعث ایچ آئی وی کا شکار ہوا،تاہم اس الزام کی سرکاری سطح پر تاحال تصدیق یا متعلقہ اداروں کا مؤقف سامنے نہیں آیا۔

اطلاعات کے مطابق پٹھان کالونی میں اب تک 110 بچے ایچ آئی وی سے متاثر ہو چکے ہیں، جبکہ اس مرض کے باعث 9 بچوں کی اموات بھی رپورٹ ہو چکی ہیں۔