ملک میں تیل و گیس کے نئے ذخائر دریافت

پشاور (صدائے سچ نیوز) صوبہ خیبر پختونخوا میں تیل و گیس کے نئے ذخائر دریافت ہوگئے ہیں۔

ترجمان او جی ڈی سی ایل نے بتایا کہ خیبرپختونخوا میں نشپابلاک کوہاٹ سے تیل و گیس کے ذخائر دریافت ہوئے ہیں۔براگزئی ایکس ون کنویں سے یومیہ2280 بیرل تیل حاصل ہو گا جبکہ یومیہ 56لاکھ مکعب فٹ گیس پیداوار بھی ہوگی۔

نشپا بلاک میں کنگریالی فارمیشن سے یہ پہلی ہائیڈروکاربن دریافت ہے، براگزئی ایکس ون کنویں کی ڈرلنگ5170 میٹر گہرائی تک مکمل کی گئی ۔

یہ بھی پڑھیں: اڈیالہ جیل کا علاقہ حساس،قیدیوں سے رات کو عدالتی احکامات کے بغیر ملاقات کی اجازت نہیں ،راولپنڈی پولیس

نشپا بلاک میں او جی ڈی سی بطور آپریٹر 65 فیصد ، پی پی ایل 30 اور جی ایچ پی ایل 5 فیصد کے حصے دار ہیں،نئی دریافت سے او جی ڈی سی ایل کے ذخائر میں مزید اضافہ ہو گا جبکہ ملکی توانائی ضروریات پوری کرنے میں بھی مدد ملے گی۔