پرامن احتجاج ہر شہری کا آئینی حق، کارکنوں کی گرفتاریاں قابلِ مذمت ہے، وسیم عباس بھٹی

اسلام آباد (صداۓ سچ نیوز) اسلام آباد احتجاج کے دوران انتظامیہ کی جانب سے گرفتار تمام کارکنان بالخصوص تلہ گنگ کے بہادر ورکرز کی گرفتاری کی بھرپور اور پرزور مزمت کرتا ہوں۔

اسلام آباد میں 5 اگست کو یوم کشمیر اور عمران خان کی ناحق قید کے خلاف ہونے والے مظاہرے میں شریک کارکنوں پر انتظامیہ کی جانب سے لاٹھی چارج، آنسو گیس اور گرفتاریوں پر تحریک انصاف کے ایڈیشنل سیکرٹری جنرل وسیم عباس بھٹی ایڈووکیٹ ہائیکورٹ نے شدید مذمت کرتے ہوئے کہا کہ ریاستی جبر، اوچھے ہتھکنڈے اور عوامی استحصال کسی صورت برداشت نہیں کیا جائے گا۔۔ اس موقع پر وسیم عباس بھٹی کا کہنا تھا کہ کشمیریوں کو انکے علاقوں میں بنیادی سہولیات کی فراہمی اور انکے آئینی حقوق ملنے تک کشمیری مظاہرین کی جاری جد وجہد کی حمایت کرنا ہر آزاد اور قانون پسند شہری کی ذمہ داری ہے۔

ان کا مزید کہنا تھا کہ عمران خان کو ناحق قید کرنے والے اب خود کہہ رہے ہیں سسٹم بیٹھ گیا ہے جو اس بات کا اعلان ہے کہ میاں اور زرداری ملک چلانے کے اہل ہی نہیں، کیونکہ چالیس سال سے کسی نہ کسی طرح یہ دونوں جماعتیں حکومت کا حصہ رہیں مگر آج بھی ملک بجائے بہتری کے تباہی کے دہانے پر کھڑا ہے ۔ لوٹ مار، کرپشن اور اقربا پروری نے پورے نظام کو کھوکھلا کر دیا ہے رہی سہی کسر ادارجاتی اختیارت کا غلط استعمال ہے جو ادارہ جس کام کے لیے ہے وہ اسکے بجائے باقی سارے کام کر رہا ہے ۔

ایڈیشنل جنرل سیکرٹری تحریک انصاف ڈسٹرکٹ تلہ گنگ نے میڈیا کو بتایا کہ تاریخ گواہ ہے کہ کسی بھی تحریک کے کارکنوں کی گرفتاریاں تحریک اور مزاحمت میں شدت لانے کا سبب بنی ہیں۔ جسکی مثال کے پی، بلوچستان اور کشمیر کی صورت میں موجود ہے۔ ٹکراؤ کی سیاست ملک کے لیے خطرناک ہے اس بار کسی بیمار کو سٹامپ پیپر پر بھاگنے نہیں دیا جائے گا اور نہ ہی تیسرے فریق کی کسی گارنٹی پر یقین کیا جائے گا۔۔

حکمران موجودہ معاشی و سیاسی حالات میں ٹکراؤ کے بجائے گفتگو اور سیاسی عمل سے ملک کو تباہی سے بچا سکتے ہیں۔۔