سپریم کورٹ کا اہم فیصلہ،متوفی ریٹائرڈ ملازم کی پنشن کی حقدار صرف بیوہ یا نامزد شخص قرار

اسلام آباد (صداۓ سچ نیوز) سپریم کورٹ نے فوت شدہ ملازمین کی وراثت پراہم فیصلہ جاری کردیا۔

سپریم کورٹ نےفوت شدہ سرکاری ملازمین کی پنشن اور مراعات سے متعلق اہم فیصلہ سناتےہوئے قراردیا کہ متوفی ریٹائرڈملازم کی پنشن اوردیگرمراعات کی حقدار صرف اس کی بیوہ یا قانون کے مطابق نامزد شخص ہوسکتا ہے۔

سپریم کورٹ نے فوت شدہ پیسکو ملازم کےبہن بھائیوں کی جانب سے وراثت نامہ جاری کرنے کی اپیل مسترد کرتے ہوئے پشاور ہائیکورٹ کا فیصلہ برقرار رکھا۔

چیف جسٹس یحییٰ آفریدی کی جانب سے تحریر کیے گئے چارصفحات پر مشتمل فیصلےمیں کہا گیا ہےکہ پنشن کی ادائیگی متعلقہ قوانین، سروس رولز اورادارہ جاتی ضوابط کےمطابق ہی کی جاسکتی ہے،پنشن کوعام وراثتی جائیداد تصور نہیں کیا جا سکتا۔

سپریم کورٹ نے واضح کیا کہ صرف قانونی وارث ہونا کسی شخص کو متوفی ملازم کی پنشن یا مراعات کا حق دار نہیں بناتا،بلکہ اس کا تعین متعلقہ قوانین اور نامزدگی کے اصولوں کے تحت کیا جائے گا۔