امریکی صدرڈونلڈ ٹرمپ کا ایران پر حملے روکنے کا حکم

واشنگٹن (صداۓ سچ نیوز) امریکی صدر ڈونلد ٹرمپ نے ایران پر ایک روز کے لیے حملے روکنے کا حکم دیدیا۔

آبنائے ہرمزکو دوبارہ کھولنے کے حوالے سےمذاکرات میں پیشرفت سامنے آئی ہے، امریکی صدر نے دو ہفتے سے جاری تہران کے خلاف فضائی کارروائیاں معطل  کرنے کا حکم دیدیا ہے۔

امریکی صدر نے مطالبات پورےنہ ہونےپرجنگ دوبارہ شروع کرنےکی دھمکی دی ہے، کہا سوفیصد مقاصد حاصل نہ ہوئے تو حملے دوبارہ ہونگے۔

امریکی ویب سائٹ کےمطابق جمعہ کو ایران کے خلاف کارروائی نہیں کی گئی، صدر ٹرمپ سفارتکاری کو ایک اور موقع دینا چاہتے ہیں۔

امریکی ویب سائٹ کے مطابق صدر ٹرمپ نے حملے روکنےکا حکم ایسے وقت میں دیا جب اومانی وفد مذاکرات کے لیے جمعہ کو ایران پہنچا تھا تاکہ آبنائے ہرمز کھولنے کے لیے نیا معاہدہ کیا جاسکے۔

امکان ظاہر کیا گیا ہے کہ ایران اور اومان کے درمیان اس معاملے پر اسی ویک اینڈ پرمعاہدہ کرلیا جائے گا، اس کے بعد صدر ٹرمپ پر منحصر ہوگا کہ آیا وہ اس مجوزہ ڈیل کو منظور کریں یا نہیں۔

دوسری جانب ایرانی پاسدارن انقلاب نے امریکی فوجی اڈوں پر لڑاکا طیارے تباہ کرنےکا دعویٰ کرتے ہوئے بتایا کہ حملوں میں 17 ڈرون طیارے تباہ کیے۔

پاسدارن انقلاب  نے دعوی کیا کہ کہ ہینگرمیں کھڑا ایک ایف 15 لڑاکا طیارہ، پی 8 طیارہ بھی تباہ ہوا، سی 17 ٹرانسپورٹ طیارہ اور 8 ری فیولنگ طیارے بھی ایرانی حملوں میں تباہ ہوئے۔