اسٹروا ایپ سے امریکی فوجی اڈوں کی حساس معلومات لیک ہونے کا انکشاف

اسٹروا ایپ سے امریکی فوجی اڈوں کی حساس معلومات لیک ہونے کا انکشاف ہوا ہے۔

برطانوی ٹی وی اسکائی نیوزکی رپورٹ میں امریکی فوجیوں کی نقل وحرکت اورحساس فوجی مقامات سے متعلق معلومات سامنے آنےکا انکشاف کیا گیا ہے۔

رپورٹ کےمطابق اسٹروا کے 1,300 سے زائد صارفین نے امریکی حساس فوجی مقامات کا ڈیٹا شیئرکیا، جبکہ متعدد صارفین نے یہ معلومات اپنے اصل ناموں سے پوسٹ کیں۔

اسکائی نیوز کےمطابق بحرین اور اردن میں اسٹروا ڈیٹا کے ذریعے امریکی فوجیوں کی نقل و حرکت کا سراغ ملا،جبکہ ایران اس معلومات کو ممکنہ طور پر امریکی اہداف کی نشاندہی کے لیے استعمال کر سکتا تھا۔

رپورٹ میں مزیدکہاگیا ہےکہ اسکائی نیوزکو اسرائیل کےدیمونا جوہری تحقیقاتی مرکزکےاندرسرگرمیوں سےمتعلق ڈیٹا بھی ملا، پینٹاگون کی جانب سے 2018 میں وارننگ جاری کیے جانے کے باوجود اسٹروا ایپ پرحساس معلومات شیئر ہوتی رہیں۔