پاکستان کرکٹ ٹیم کی کنگ چارلس سے ملاقات، خصوصی بیٹ کا تحفہ پیش کیا گیا

لندن (صداۓ سچ نیوز) پاکستان کرکٹ ٹیم کی جانب سے برطانوی بادشاہ چارلس کو خصوصی بیٹ کا تحفہ  پیش کیا گیا۔

پاکستان کرکٹ ٹیم کی برطانیہ کے بادشاہ چارلس سے ملاقات ہوئی، یہ ملاقات شاہی خاندان کی تاریخی رہائشگاہ کلیئرنس ہاؤس میں ہوئی،تقریب میں بادشاہ چارلس نے پاکستانی کھلاڑیوں اور ٹیم آفیشلز سے گفتگو کی،تقریب میں پاکستان کرکٹ بورڈ کے چیئرمین محسن نقوی بھی موجود تھے۔

اس موقع پر برطانوی شاہ چارلس کو پاکستان ٹیم کے کھلاڑیوں کے دستخط والا خصوصی بیٹ پیش کیا گیا۔ یہ بیٹ پاکستانی ٹیسٹ ٹیم کے کپتان بابراعظم نے پیش کیا۔

ملاقات کےدوران کنگ چارلس نے پاکستانی کھلاڑیوں سے گفتگو کی اور ان کی حوصلہ افزائی کی، جبکہ محسن نقوی سے کرکٹ، امن اور پاکستان کی سیکیورٹی صورتحال پر بھی تبادلہ خیال کیا۔

پاکستان کرکٹ ٹیم دورہ انگلینڈ پر موجود ہے، جہاں انگلینڈ کے خلاف تین ٹیسٹ میچز کی سیریز جاری ہے۔ سیریز کا تیسرا اور آخری ٹیسٹ 9 ستمبر سے برمنگھم میں کھیلا جائے گا۔