ویمنز ایشیا کپ، بھارت نے پاکستان کو 7 وکٹوں سے شکست دے دی

ویمنز ایشیا کپ کے میچ میں بھارت نے پاکستان کو 7 وکٹوں سے شکست دے دی۔

تفصیلات کے مطابق بھارتی ویمنز ٹیم نے 56 رنز کا ہدف صرف 8.4 اوورز میں 3 وکٹوں کے نقصان پر حاصل کرلیا۔دپتی شرما نے 12 اور ہرمن پریت کور نے 18 رنز بنائے، جبکہ سمرتی مندھانہ 9 اور شفالی ورما 12 رنز بناکر آؤٹ ہوئیں۔

پاکستان کی جانب سے کپتان فاطمہ ثناء نے 3 وکٹیں حاصل کیں۔

پاکستان ویمنز ٹیم پہلے بیٹنگ کرتے ہوئے 55 رنز پر آل آؤٹ ہوگئی، جو ٹی ٹوئنٹی کرکٹ میں قومی ویمنز ٹیم کا کم ترین سکور ہے۔

پاکستان کی جانب سے شوال ذوالفقار نے 14 اور منیبہ علی نے 13 رنز بنائے، جبکہ باقی کھلاڑی ڈبل فگر میں بھی داخل نہ ہوسکیں۔

گل فیروزہ، نشرہ سندھو، سعدیہ اقبال اور کپتان فاطمہ ثناء کھاتہ کھولے بغیر آؤٹ ہوئیں۔ عائشہ ظفر 2، صدف شمس 3، ایمان فاطمہ 5 اور ام ہانی 6 رنز بناسکیں۔

بھارت کی جانب سے شری چرانی اور پریما راوت نے 3،3 وکٹیں حاصل کیں۔