ٹرمپ ’خطرناک حد تک وہم کا شکار‘ ہیں، امریکی سینیٹر

ڈیموکریٹ سینیٹر کرس مرفی نے امریکی صدر ڈونلڈ ٹرمپ کے ایران کے ساتھ جاری جنگ کو ’چھوٹی بات‘ قرار دینے پر شدید تنقید کی ہے۔

کرس مرفی نے ٹرمپ کو ’خطرناک حد تک وہم کا شکار‘ قرار دیتے ہوئے سوشل میڈیا پر کہا ہے کہ ایران کے ساتھ جنگ میں 18 امریکی ہلاک ہو چکے ہیں، امریکی فوجی اڈوں کو اربوں ڈالرز کا نقصان پہنچا ہے اور میزائلوں کے ذخائر تشویش ناک حد تک کم ہو چکے ہیں۔

انہوں نے کہا ہے کہ امریکا میں کسانوں کے دیوالیہ ہونے کی شرح ریکارڈ سطح پر ہے، خاندان 5 ڈالرز فی گیلن کی مہنگی گیس خریدنے کے لیے مشکلات کا سامنا کر رہے ہیں، جبکہ ایران پہلے سے زیادہ مضبوط ہے۔

کرس مرفی نے ٹرمپ کے ’چھوٹی بات‘ کے تبصرے پر طنزیہ انداز میں کہا کہ لیکن یہ سب چھوٹی بات ہے، ہمارے صدر خطرناک حد تک وہم کا شکار ہیں۔

واضح رہے کہ ٹرمپ نے جمعے کو وائٹ ہاؤس میں صحافی کے سوال پر ایران کے خلاف جاری فوجی کارروائی کو ’چھوٹی بات‘ قرار دیا تھا۔