امریکا میں توانائی کی بڑھتی قیمتوں کے باعث ستمبر میں مہنگائی کی شرح میں اضافہ ریکارڈ

واشنگٹن (صداۓ سچ نیوز) امریکی محکمہ محنت کی جانب سے بدھ کو جاری کردہ اعداد و شمار کے مطابق توانائی کی بڑھتی ہوئی قیمتوں کے باعث ستمبر میں امریکا میں مہنگائی کی شرح میں ایک بار پھر تیزی آگئی ہے۔

امریکی ویب سائٹ ایگزیوس کے مطابق تازہ ترین کنزیومر پرائس انڈیکس کے اعداد و شمار سے ظاہر ہوتا ہے کہ مہنگائی میں اضافے کا سلسلہ ابھی ختم نہیں ہوا۔

حکومت کے مطابق ستمبر میں سی پی آئی میں گزشتہ ماہ کے مقابلے میں 0.6 فیصد کا اضافہ ریکارڈ کیا گیا جس کے بعد سالانہ افراطِ زر کی شرح 3.7 فیصد تک پہنچ گئی ہے۔ اس کے برعکس اگست میں ماہانہ اضافہ 0.4 فیصد اور سالانہ شرح 3.4 فیصد تھی۔ 

اتار چڑھاؤ کا شکار خوراک اور توانائی کی قیمتوں کو نکال کر ‘کور پرائسز’ میں ماہانہ 0.3 فیصد جبکہ سالانہ بنیادوں پر 2.6 فیصد کا اضافہ ہوا ہے۔

ویب سائٹ کے مطابق یہ تازہ ترین اعداد و شمار مشرقِ وسطیٰ کی جنگ کے امریکی صارفین پر مرتب ہونے والے اثرات کی براہ راست عکاسی کرتے ہیں جس کے باعث توانائی کی عالمی سپلائی میں تعطل آیا ہے اور ایندھن کی قیمتوں میں اضافہ ہوا ہے۔