لاہور دنیا بھر کے آلودہ ترین شہروں کی فہرست میں چوتھے نمبر پر آ گیا

لاہور (صداۓ سچ نیوز) لاہور دنیا بھر کے آلودہ ترین شہروں کی فہرست میں چوتھے نمبر پر  آ گیا، لاہور کا موجودہ ائیر کوالٹی انڈیکس 192 ریکارڈ کیا گیا ہے۔ محکمہ موسمیات کے مطابق شہر میں آئندہ دس روز تک بارش کا امکان نہیں  ہے۔

لاہور میں آلودگی کی شرح عالمی ادارہ صحت گائیڈلائنز سے  بائیس  گنا زائد ریکارڈ کی گئی ، گلبرگ اور اطراف میں یہ شرح دو سو چھ تک پہنچ گئی ، برکی روڈ پر اے کیو آئی 193 ، بیدیاں روڈ 190 اور علامہ اقبال ٹاؤن میں 177 ریکارڈ کیا گیا۔

طبی ماہرین نے شہریوں کو غیر ضروری طور پر باہر نکلنے سے گریز کرنے اور باہر نکلنے کی صورت میں مناسب فلٹر والا  ماسک استعمال کرنے کی ہدایت کی ہے۔