اسرائیلی حملوں کے باعث لبنان کے اسپتالوں میں جان بچانے والا طبی سامان ختم ہوسکتا ہے، عالمی ادارہ صحت

بیروت (صداۓ سچ نیوز) عالمی ادارہ صحت نے خبردار کیا ہے کہ لبنان میں  بڑے پیمانے پر اسرائیلی حملوں کے بعد زخمیوں کی بڑھتی تعداد کے باعث چند روز میں اسپتالوں میں جان بچانے والے ضروری طبی سامان کی قلت پیدا ہوسکتی ہے۔

لبنان میں عالمی ادار صحت کے نمائندے ڈاکٹر عبد الناصر ابوبکر نے رائٹرز کو بتایا کہ ٹراما مینجمنٹ سے متعلق بعض طبی سامان کی قلت پیدا ہو چکی ہے اور امکان ہے کہ یہ چند دن میں ختم ہو جائے گا۔

انہوں نے کہا کہ ان جان بچانے والی ٹراما کٹس میں پٹیاں، اینٹی بایوٹکس اور اینستھیٹکس شامل ہوتی ہیں جو  زخمیوں کے علاج میں استعمال کی جاتی ہیں۔