چیئرمین او پی ایف سید قمر رضا نقوی کا امریکہ میں شاندار استقبال، معرکہ حق کی کئی تقریبات میں شرکت کریں گے

نیویارک (صدائے سچ نیوز) چیئرمین اوورسیز پاکستانیز فاونڈیشن سید قمر رضا نقوی کا امریکہ میں پاکستانی کمیونٹی کی اہم شخصیات کی طرف سے پرتپاک استقبال، کئی تقریبات میں شرکت کریں گے۔

تفصیلات کے مطابق چیئرمین اوورسیز پاکستانیز فاونڈیشن سید قمر رضا نقوی کا امریکہ پہنچنے پر پاکستانی کمیونٹی سے تعلق رکھنے والی نمایاں شخصیات کی طرف سے پھولوں کے گلدستوں کیساتھ شانداراستقبال کیا گیا ہے۔

سید قمر رضا نقوی کو یہ کریڈٹ حاصل ہے کہ انہوں نے بطور چئیرمین او پی ایف اوورسیز پاکستانیوں کو درپیش مسائل کو نہ صرف حکومتی ایوانوں تک پہنچایا بلکہ اس کے حل کیلئے عملی اقدامات بھی کیے جن میں اوورسیز پاکستانیوں کے مفادات کے تحفظ کیلئے باقاعدہ قانون سازی اور دیگر اقدامات شامل ہیں۔

انہوں نے پاکستانی تاریخ میں پہلی دفعہ ملک کے اندر اور بیرون ملک اوورسیز کنونشن منعقد کر کے اوور سیز پاکستانیوں کو حکومت کے روبرو تمام مسائل پہنچانے اور ملک کی ترقی کیلئے ان کی تجاویز کو حکومتی پالیسیز میں شامل کرنے کیلئے عملی موقع فراہم کیا۔

یہ بھی پڑھیں: حضرت لعل شہباز قلندر نے عشق ،رواداری اور خدمت خلق کا درس دیا ہے، سید قمر رضا نقوی

ان کنونشنز میں وزیراعظم پاکستان میاں شہباز شریف، چیف آف ڈیفنس فورسز لیفٹیننٹ جنرل سید عاصم منیراور دیگر اعلیٰ حکومتی شخصیات نے شرکت کر کے نہ صرف ان کے مسائل حل کرنے کی یقین دہانی کروائی بلکہ ان کے حل کیلئے عملی اقدامات اٹھائے۔

علاوہ ازیں، اوورسیز پاکستانیوں کے اجتماعی اور انفرادی مسائل کے حل کیلئے ہمہ وقت کوشاں رہتے ہیں جس کی بدولت انہوں نے اوورسیز پاکستانیوں میں بے پناہ عزت و محبت کمائی ہے۔

امریکہ میں قیام کے دوران اوورسیز پاکستانی کمیونٹی کی طرف سے گذشتہ سال بھارتی جارحیت کا منہ توڑ جواب دیکر انہیں شکست فاش دینے کے حوالے سے پاک افواج کی بہادری کی یاد میں "معرکہ حق” کے حوالے سے منعقد ہونیوالی کئی تقریبات میں شرکت کریں گے۔