ایرانی حکومت اپنی مسلح افواج کے شانہ بشانہ کھڑی ہے، مسعود پزشکیان

تہران (صداۓ سچ نیوز) ایرانی صدر مسعود پزشکیان  نے کہا ہےکہ  ایرانی حکومت اپنی مسلح افواج کے شانہ بشانہ کھڑی ہے اور  دفاعی صلاحیتوں کو بڑھانے کے منصوبوں کی حمایت کرےگی۔

ایرانی میڈیا کے مطابق ایرانی صدر کی  ایرانی فوج کے کمانڈر انچیف میجر جنرل امیر حاتمی سے ملاقات ہوئی۔ ایرانی صدر نے کہا کہ  جارحیت کا مقابلہ کرنے پر ایران کی مسلح افواج کی بہادری اور کارکردگی کو سراہتے ہیں-

قومی سلامتی کو محفوظ بنانے، ملک کی حفاظت اور دفاعی قوت بڑھانے میں ایرانی افواج کا اہم کردار ہے ، ایرانی حکومت اپنی مسلح افواج کے شانہ بشانہ کھڑی ہے اور دفاعی صلاحیتوں کو بڑھانے کے منصوبوں کی حمایت کرے گی۔

یہ بھی پڑھیں: امارات نے آبنائے ہرمز پر ایرانی ڈھانچے کو مسترد کردیا

 میجر جنرل امیر حاتمی نے کہا کہ ایرانی افواج ہائی الرٹ پر ہیں اور کسی بھی خطرے یا جارحیت کا فیصلہ کن جواب دینے کے لیے تیار ہیں ۔