سپریم لیڈر کی منظوری کےبغیر کوئی فیصلہ نہیں ہوگا، ایرانی صدر

تہران (صداۓ سچ نیوز) ایرانی صدر مسعود پزشکیان کا کہنا ہے کہ سپریم لیڈر مجتبیٰ خامنہ ای کی اجازت کے بغیر کوئی فیصلہ نہیں کیا جائے گا۔ جو بھی فیصلہ ہوگا وہ سپریم لیڈر کی اجازت اور ہم آہنگی سے ہوگا۔

ایک بیان میں مسعود پزشکیان نے کہا کہ ریاستی امور چلانے کے لیے متفقہ فیصلے اور اجتماعی اطاعت کی ضرورت ہوتی ہے تاکہ قومی مفادات کا تحفظ یقینی بنایا جا سکے۔

صدر مسعود پزشکیان نے کہا ایسا کوئی بھی بیان، تجزیہ یا مؤقف جو معاشرے میں تقسیم پیدا کرے۔ دراصل دشمن کے مقاصد کو تقویت دینے کے مترادف ہے۔

یہ بھی پڑھیں: بحرین میں ایرانی پاسدارانِ انقلاب سے تعاون کے الزام میں 9 افراد کو عمر قید کی سزا

ان کا مزید کہنا تھا کہ دنیا کو یقین دلانے کیلئے تیار ہیں ،ایران جوہری ہتھیار حاصل کرنے کی کوشش نہیں کررہا، ہماری مذاکراتی ٹیم ملکی عزت اور وقار کے معاملے میں کوئی سمجھوتہ نہیں کرے گی۔