پیٹرول کی قلت کی خبریں، شہریوں کےلیے اہم ایڈوائزری جاری

اسلام آباد (صداۓ سچ نیوز) وفاقی دارالحکومت میں پیٹرول پمپس پر پیٹرول کی قلت کی خبریں کے پیش نظر ضلعی انتظامیہ نے شہریوں کے لیے اہم ایڈوائزری جاری کردی۔

ترجمان کے مطابق ضلعی انتظامیہ پیٹرول پمپس پر پیٹرول کی قلت کی رپورٹس کا جائزہ لے رہی ہے، شہر بھر میں پیٹرول پمپس پر پیٹرول اور ڈیزل کا سٹاک وافر مقدار میں موجود ہے، ہیوی ٹرانسپورٹ کی بندش کی وجہ سے چند پیٹرول پمپس کو وقتی پریشانی کا سامنا رپورٹ ہوا۔

بیان کے مطابق پیٹرول ٹینکرز کے ذریعے ایسے تمام پمپس پر فیول کی فراہمی یقینی بنائی جا رہی ہے، شہریوں سے التماس ہے کہ ایسی خبروں پر پریشان نہ ہوں، اسسٹنٹ کمشنرز اپنے اپنے ایریاز میں پمپس پر سٹاک کی دستیابی پر نظر رکھے ہوئے ہیں، ڈی سی اسلام آباد شہر بھر میں پیٹرول ڈیزل کی سپلائی و دستیابی کو یقینی بنانے کے لیے کوشاں ہیں۔

ترجمان کا کہنا ہے کہ ضلعی انتظامیہ کے ڈیجیٹل ڈیش بورڈ پر تمام پمپس کے سٹاک کی مکمل مانیٹرنگ جاری ہے، کسی بھی پمپ پر قلت رپورٹ ہونے کی صورت میں فی الفور اقدامات کیے جائیں گے۔