وادی نیلم اور کاغان میں طغیانی اور کلاڈ برسٹ، رابطہ پل اور مکانات بہہ گئے

کاغان (صدائے سچ نیوز) وادی نیلم اور کاغان میں کلاؤڈ برسٹ کے باعث طغیانی سے انفرا اسٹرکچرکو شدید نقصان پہنچا ہے۔

ڈپٹی کمشنر کے مطابق وادی نیلم میں کٹھہ پیراں نالے میں کلاؤڈ برسٹ کے باعث طغیانی آگئی جس کےنتیجے میں 6 مکانات اور 25 دکانیں سیلابی ریلے میں بہہ گئيں۔

اس کے علاوہ  3 گاڑیاں اور 11 موٹر سائیکلیں بھی بہہ گئيں جب کہ کٹھہ پیراں میں سڑک اور پل بہہ جانے  سے لوگوں کو مشکلات کا سامنا ہے۔

ڈپٹی کمشنر نے بتایاکہ سیلابی  ریلےکے باعث درجنوں رہائشی گھروں کو نقصان بھی پہنچا، فصلیں باغات، پل اور بجلی کا انفرا اسٹرکچر بھی تباہ ہوگيا جب کہ مقامی افراد کے بڑی تعداد میں مویشی بھی بہہ گئے۔

انہوں نے مزید بتایا اب تک کسی قسم کے جانی نقصان کی اطلاع نہیں ملی، وادی کاغان میں بھی تیز بارش کے بعد ندی نالوں میں طغیانی آگئی جب کہ کاغان نالے میں طغیانی سے 3 رابطہ پل بہہ گئے۔