ای سی سی نے وزیراعظم کے وی وی آئی پی فلیٹ کیلئے نیا طیارہ خریدنے کیلئے رقم کی منظوری دیدی

اسلام آباد (صداۓ سچ نیوز) وفاقی کابینہ کی اقتصادی رابطہ کمیٹی نے وزیراعظم کے وی وی آئی پی فلیٹ کیلئے نیا طیارہ خریدنے کیلئے رقم کی منظوری دے دی۔

وزرات خزانہ کے اعلامئے کے مطابق اقتصادی رابطہ کمیٹی نے دفاعی منصوبوں کیلئے 54ارب روپے کی اضافی گرانٹ کی منظوری دی۔ ایل 1000طیارے کی خریداری کیلئے ایک ارب 9کروڑ 40لاکھ روپے منظور کئے گئے۔ پروجیکٹ استقلال کیلئے 29اب 13کروڑ 90 لاکھ، بلوچستان فرنٹیئر کور کے ہیلی کاپٹر کی مرمت کیلئے 37 لاکھ دس ہزار اور وزیراعظم یوتھ بزنس اینڈ ایگریکلچر لون اسکیم میں تبدیلیوں کی منظوری بھی دی گئی۔

 کمیٹی نے کفایت شعاری اقدامات اور ایندھن کی بچت سے جمع ہونے والے پندرہ ارب باسٹھ کروڑ روپے وزیراعظم کفایت شعاری فنڈ میں منتقل کرنے کی اجازت دی۔ پانی کے اہم منصوبوں کیلئے دو سو پچھتہر ارب کی اضافی گرانٹ اور دو کھاد کارخانوں کو اکتیس دسمبر تک گیس فراہمی جاری رکھنے کی بھی منظوری دی گئی۔