ریڈ زون میں واقع تمام سرکاری دفاتر بند، ورک فرام ہوم کا اعلان

اسلام آباد (صداۓ سچ نیوز) وفاقی حکومت نے پیر کو ریڈ زون میں واقع دفاتر میں ورک فرام کا اعلان کیا ہے۔

کابینہ ڈویژن سے جاری نوٹیفکیشن میں بتایا گیا ہے کہ ریڈ زون میں واقع تمام وزارتوں، ڈویژنز اور دیگر وفاقی حکومت کے دفاتر میں 20 اپریل کو گھر سے کام کیا جائے گا۔

نوٹیفکیشن میں ہدایت کی گئی ہے کہ تمام افسران اور عملہ اسٹیشن پر موجود رہیں اور ضرورت پڑنے پر فوری دفتر طلبی کے لیے تیار رہیں۔ نوٹیفکیشن میں کہا گیا کہ سرکاری امور جاری رکھنے کے لیے خصوصی انتظامات مکمل کرلیے گئے ہیں۔

یہ بھی پڑھیں: امریکی فوج نے ایرانی بحری جہاز قبضے میں لے لیا، صدرٹرمپ

ضلعی انتظامیہ کے مطابق 20 اپریل کو ریڈزون کے اندر آنیوالے اسکولز بھی بندہوں گے، اسکولز اور دفاتر کو ورک فراہم ہوم کے انتظامات کی ہدایت کردی گئی ہے۔

ورک فرام ہوم نوٹیفکیشن کے بعد الیکشن کمیشن میں آج کے تمام کیسز ڈی لسٹ ہوگئے، ترجمان کے مطابق کیسز کی نئی تاریخ سماعت بعد میں جاری ہوگی۔