حضرت امام حسینؑ کی عظیم قربانی حق، انصاف، صبر اور استقامت کا لازوال پیغام ہے، سید شبر عباس ایڈووکیٹ

گوجر خان (صدائے سچ نیوز) ممتاز سیاسی و سماجی شخصیت سید شبر عباس ایڈووکیٹ نے اپنے آبائی گاؤں ڈیرہ سیداں یوسی ساہنگ میں دس محرم الحرام کے جلوس کے موقع پر عزاداروں کے بڑے اجتماع سے خطاب کیا۔

انہوں نے کہا کہ حضرت امام حسینؑ کی عظیم قربانی حق، انصاف، صبر اور استقامت کا لازوال پیغام ہے، جس سے رہتی دنیا تک انسانیت رہنمائی حاصل کرتی رہے گی۔ ان کا کہنا تھا کہ عاشورا ہمیں اتحاد، بھائی چارے، محبت اور باہمی احترام کا درس دیتا ہے اور ہمیں ہر قسم کی نفرت اور تفرقے سے بچنے کی تلقین کرتا ہے۔

اس موقع پر شرکا نے یکجہتی اور مذہبی ہم آہنگی کا عملی مظاہرہ کرتے ہوئے نواسۂ رسول حضرت امام حسینؑ اور شہدائے کربلا کو بھرپور خراجِ عقیدت پیش کیا۔ شرکاء نے اس عزم کا اظہار کیا کہ امن، بھائی چارے اور قومی یکجہتی کے فروغ کے لیے مل کر اپنا کردار ادا کرتے رہیں گے۔