ایران کا آبنائے ہرمز کے باہر نیا ممنوعہ زون بنانے کا اعلان

تہران (صداۓ سچ نیوز) ایران نے آبنائے ہرمز کے باہر نیا ممنوعہ زون بنانے کا اعلان کردیا۔

سیکریٹری ایرانی سپریم نیشنل سکیورٹی کونسل محسن رضائی کا کہنا ہے کہ نیا راستہ امریکی ناکہ بندی کی لائن سے شروع ہوگا اور خلیجی علاقوں تک پھیلے گا۔ نئے زون میں داخل ہونیوالے ہر جہاز کو پابندیوں کی فہرست میں شامل کیا جائے گا۔

محسن رضائی کا کہنا تھا کہ آبنائے ہرمز کے باہر نیا ممنوعہ علاقہ چند روز میں قائم کیا جائے گا۔ امریکی دھمکیاں اور حملے بند ہونے تک آبنائے ہرمز نہیں کھلے گی۔

سیکریٹری ایرانی سپریم نیشنل سکیورٹی کونسل نے کہا گذشتہ روز ایک امریکی جنگی بحری جہاز پر ایرانی اینٹی شپ میزائل سے حملہ کیا ۔ ہمارا میزائل امریکیوں کے لیے جہنم بن گیا اور وہ وہاں سے فرار ہوگئے۔

ان کا مزید کہنا تھا کہ یہ جھوٹ ہے کہ امریکی معاشی پابندیاں ایران کیلئے مشکلات پیدا کررہی ہیں، ہمارے پاس خوراک اور بنیادی اشیائے ضروریہ کا وافر ذخیرہ موجود ہے۔