امریکا کا حوثیوں سے براہِ راست رابطہ، جے ڈی وینس نے تصدیق کردی

واشنگٹن (صداۓ سچ نیوز) امریکی نائب صدر جے ڈی وینس نے حوثیوں سے براہِ راست رابطے کی تصدیق کردی۔

رپورٹس کےمطابق عمان میں ہونے والی ملاقات کے دوران حوثی نمائندوں نے امریکی حکام کو یقین دہانی کرائی کہ وہ امریکی بحری جہازوں کو نشانہ نہیں بنائیں گے اور 2025 کی جنگ بندی پر قائم رہیں گے۔

ذرائع کےمطابق حوثیوں نےیہ بھی کہا کہ بحیرۂ احمر میں سعودی عرب سے منسلک جہاز ان کے نشانے پر ہوسکتے ہیں،امریکی اور اسرائیلی جہازوں کو نشانہ نہ بنانے کی یقین دہانی کرائی گئی۔

دوسری جانب امریکی حکام نے بحیرۂ احمر میں آزادانہ جہازرانی کے تحفظ پر زور دیا ہے، جبکہ سعودی عرب کی حوثیوں کے خلاف کارروائی میں امریکی براہِ راست فوجی مداخلت تاحال سامنے نہیں آئی۔

امریکا نے مارچ 2025 میں حوثیوں کو غیرملکی دہشت گرد تنظیم قرار دیا تھا، تاہم مئی 2025 میں عمان کی ثالثی سے واشنگٹن اور حوثیوں کے درمیان جنگ بندی طے پائی تھی۔