ٹیکسلا پولیس کا جوئے کے اڈے پر چھاپہ، 14 ملزمان گرفتار

ٹیکسلا (صداۓ سچ نیوز) تھانہ ٹیکسلا پولیس نے جوئے کے خلاف کارروائی کرتے ہوئے ایک مبینہ جوئے کے اڈے پر چھاپہ مار کر 14 ملزمان کو گرفتار کر لیا۔ پولیس کے مطابق کارروائی کے دوران ملزمان کے قبضے سے 83 ہزار 90 روپے نقدی، 156عدد تاش کے پتے اور 12 موبائل فونز برآمد کیے گئے۔

پولیس رپورٹ کے مطابق مخبر کی اطلاع پر پولیس ٹیم نے کارروائی کی، جہاں متعدد افراد مبینہ طور پر جوا کھیلنے میں مصروف تھے۔ پولیس پارٹی کو دیکھتے ہی ملزمان نے فرار ہونے کی کوشش کی تاہم پولیس نے کارروائی کرتے ہوئے تمام افراد کو قابو کر لیا۔

گرفتار ملزمان میں محمد خان، مسعود خان، عبداللطیف، محمد ارشد، محمد رضوان، محمد صابر، محمد اقبال، محمد طاہر، محمد اسلم، محمد سلیم، محمد عارف، محمد شہباز، محمد اقبال اور دیگر شامل ہیں۔

پولیس نے ملزمان کے خلاف The Punjab Prevention of Gambling Ordinance, 1978 کے تحت مقدمہ درج کر کے مزید قانونی کارروائی شروع کر دی ہے۔ پولیس حکام کا کہنا ہے کہ جوئے اور دیگر غیر قانونی سرگرمیوں کے خلاف کارروائیاں جاری رہیں گی۔