امریکی صدر ڈونلڈ ٹرمپ نے ایران جنگ کے جلد خاتمے کی امید ظاہر کردی

واشنگٹن (صداۓ سچ نیوز) امریکی صدر ڈونلڈ ٹرمپ نے ایران جنگ کے جلد خاتمے کی امید ظاہر کردی۔

امریکی صدر ڈونلڈ ٹرمپ نےکہا ہے کہ امید ہےامریکا ایران جنگ کے اختتام کی جانب بڑھ رہا ہے، ایران بری طرح متاثرہو رہا ہے اورمعاہدہ کرنا چاہتا ہے،جنگ جلد ختم ہوگی،ہم چاہیں توکسی بھی وقت معاہدہ ہو سکتا ہے،دیکھتے ہیں معاملہ کیسے آگے بڑھتا ہے۔

ٹرمپ نےایران جنگ کےباعث تیل کی بڑھتی قیمتوں پر بھی بات کی اورکہاکہ تیل کی قیمتوں میں اضافہ حاصل ہونے والی کامیابیوں کے مقابلے میں کچھ نہیں۔

 دوسری جانب امریکی صدرڈونلڈ ٹرمپ کی خلیجی رہنماؤں سےاہم ملاقات متوقع ہے،یہ ملاقات اقوام متحدہ کی جنرل اسمبلی کےاجلاس کے موقع پرہوسکتی ہے،ملاقات میں ایران کےساتھ جنگ کے اگلےمرحلے پر تبادلہ خیال کیا جائے گا۔

امریکی محکمہ خارجہ نےبدھ کو اس حوالے سےابتدائی دعوت نامےبھی بھیج دیے، اجلاس میں دیگر عرب اور مسلم ممالک کے رہنماؤں کو بھی شامل کیا جا سکتا ہے۔

رپورٹ کےمطابق اسرائیلی وزیراعظم نیتن یاہو بھی صدر ٹرمپ سے ملاقات کے خواہشمند ہیں تاہم ابھی تک ملاقات کا وقت طے نہیں ہوا۔