کلر کہار نے پنجاب بھر میں تحصیل کارکردگی کی درجہ بندی میں چھٹی پوزیشن حاصل کر لی

کلرکہار (صداۓ سچ نیوز-ملک رفیق انمول) اسسٹنٹ کمشنر کلرکہار ڈاکٹر تزئین ظفر کی مؤثر قیادت، بہترین انتظامی حکمتِ عملی اور ریونیو ٹیم کی انتھک محنت رنگ لے آئی۔ بورڈ آف ریونیو پنجاب کی جانب سے ستمبر 2026 کی جاری کردہ تحصیل کارکردگی کی درجہ بندی میں تحصیل کلرکہار نے صوبہ بھر میں نمایاں کارکردگی کا مظاہرہ کرتے ہوئے 6 ویں پوزیشن حاصل کر لی۔

یہ کامیابی کلرکہار کی انتظامی استعداد، ریونیو امور میں شفافیت اور عوامی خدمات کی بہتری کی عکاس ہے۔ شہریوں نے اس اہم کامیابی پر اسسٹنٹ کمشنر ڈاکٹر تزئین ظفر اور پوری ریونیو ٹیم کو مبارکباد پیش کرتے ہوئے امید ظاہر کی ہے کہ آئندہ بھی اسی جذبے کے ساتھ عوامی خدمت اور ادارہ جاتی کارکردگی میں مزید بہتری لائی جائے گی۔