راہول گاندھی کا نریندرمودی سے پیپر لیک پرعوام سے معافی مانگنے کا مطالبہ

نیو دہلی (صداۓ سچ نیوز) بھارتی اپوزیشن لیڈر راہول گاندھی نے وزیراعظم نریندرمودی سے پیپر لیک پر عوام سے معافی مانگنے کا مطالبہ کیا ہے۔

اپوزیشن رہنما راہول گاندھی نے طلبا کے ہمراہ میڈیا سےگفتگو کرتے ہوئے مودی حکومت پرسخت تنقید کی اورطلبا کےمطالبات کی حمایت کا اعلان کیا، کہا طلبا کےتین بنیادی مطالبات ہیں جن پرکوئی سمجھوتہ نہیں کیا جا سکتا، مطالبہ کیا کہ وزیرِتعلیم دھر میندرپردھان کوفوری طور پر برطرف کیا جائے اور انہیں کسی نئی وزارت کا قلمدان بھی نہ دیا جائے۔

انہوں نےمزید کہا احتجاج کرنے والےطلبا کو پیلٹ گنزسے نشانہ بنایا گیا، جس سےمتعدد طلبا زخمی ہوئے، تشدد میں ملوث اہلکاروں کے خلاف فوری کارروائی کی جائے۔