میر رضا کیس، جوڈیشل کمیشن کی رپورٹ سندھ حکومت کے حوالے کردی گئی

کراچی (صداۓ سچ نیوز) میر رضا قتل کیس کی تحقیقات کے لیے بنائے گئے جوڈیشل کمیشن کی رپورٹ سندھ حکومت کے حوالے کر دی گئی۔

رجسٹرار کمیشن نے رپورٹ ایڈیشنل سیکرٹری داخلہ جاوید ابڑو کے سپرد کی۔

ذرائع کے مطابق جوڈیشل کمیشن کی رپورٹ 7 سربمہر لفافوں پر مشتمل ہے جس میں گواہان کے ریکارڈ شدہ بیانات بھی شامل ہیں۔

ایڈیشنل سیکرٹری داخلہ کا کہنا ہے کہ رپورٹ حکومت کے سامنے کھولی جائے گی، رپورٹ کا جائزہ لینے کے بعد حکومت آئندہ لائحہ عمل طے کرے گی۔

جاوید ابڑو نے کہا کہ رپورٹ پبلک کرنے یا نہ کرنے کا فیصلہ سندھ حکومت کرے گی، رپورٹ سے متعلق حتمی مؤقف حکومت کے فیصلے کے بعد سامنے آئے گا۔