امریکی فوج نے ایران پر حملوں کیلئے B-1 اسٹریٹجک بمبار طیارے کا استعمال شروع کردیا

امریکی فوج نے ایران پر حملوں کے لیے طویل فاصلے تک مار کرنے والے B-1 تہران (صداۓ سچ نیوز) اسٹریٹجک بمبار طیارے کا استعمال شروع کردیا۔

امریکی نیوز یب سائٹ نے حکام کا حوالہ دیتے ہوئے کہا کہ منگل کو B-1 بمبار طیارے کے ذریعے پاسداران انقلاب کے اہداف کو نشانہ بنایا گیا۔ 

ایران کے ساتھ دوبارہ جھڑپیں شروع ہونے کےبعد یہ پہلا موقع ہے جب امریکا نے ایران پر حملے کے لیے B-1 طیارہ استعمال کیا۔

B-1 بمبار طیارہ ایک وقت میں 2 ہزار پاؤنڈ وزنی تقریباً 2 درجن بم یا درجنوں کروز میزائل لے جانے کی صلاحیت رکھتا ہے، یہ طیارہ کم بلندی پر آواز کی رفتار سے زیادہ تیز پرواز کر سکتا ہے اور کسی بھی بمبار طیارے کے مقابلے میں سب سے زیادہ مقدار میں اسلحہ لے جانے کی صلاحیت رکھتا ہے۔

رپورٹس کے مطابق ایران میں اہداف کو نشاہ بنانے کے لیے B-1 بمبار طیارے نے  برطانیہ میں ایک فضائی اڈے سے اڑان بھری۔

ویب سائٹ کے مطابق تاحال یہ واضح نہیں ہو سکا کہ B-1 طیارے نے کن اہداف کو نشانہ بنایا اور آیا یہ کارروائی گزشتہ دنوں کیے گئے حملوں کے مقابلے میں زیادہ مؤثر ثابت ہوئی یا نہیں۔

خیال رہے کہ اس سے قبل بھی امریکا نے آپریشن ایپک فیوری کے دوران B-1 بمبار طیاروں کا استعمال کرتے ہوئے میزائل بیسز، کمانڈ سینٹرز، اسلحہ گوداموں اور فضائی دفاعی نظام کو نشانہ بنایا تھا۔