خطرے کے پیش نظر اردن کے شہر عقبہ میں ائیرپورٹ اور بندرگاہ خالی کرالی گئی، امریکی سفارتخانے کا دعویٰ

عقبہ (صدائے سچ نیوز) اردن میں امریکی سفارت خانے نے کہا ہے کہ  اردن کے جنوبی شہر عقبہ میں واقع بین الاقوامی ہوائی اڈے اور بندرگاہ کو ایک خطرے کے باعث خالی کرالیا گیا ہے۔

برطانوی خبر رساں ادارے رائٹرز کے مطابق امریکی سفارتخانے سوشل میڈیا پلیٹ فارم ایکس پر جاری بیان میں کہا کہ تمام امریکی شہریوں کو سختی سے ہدایت کی جاتی ہے کہ وہ ائیرپورٹ اور بندرگاہ کا سفر کرنے سے گریز کریں اور اردنی حکام کی سکیورٹی ہدایات پر عمل جاری رکھیں۔

دوسری جانب اردن کی سرکاری خبررساں ایجنسی نے اس بیان کی تردید کرتے ہوئے کہا ہے کہ اردن کے حکام نے ائیرپورٹ اور بندرگاہ خالی کروانے کا کوئی فیصلہ نہیں کیا اور گزشتہ ایک گھنٹے کے دوران اس حوالے سے کسی خطرے  کی نشاندہی بھی نہیں ہوئی۔