لاہورمیں وفاقی وزیراطلاعات عطا اللہ تارڑکی گاڑی کے قریب ہوائی فائرنگ کرنے والا نوجوان گرفتار

لاہور (صدائے سچ نیوز) لاہور کے علاقے ڈیفنس میں وفاقی وزیر اطلاعات عطا اللہ تارڑ کی گاڑی کے قریب مبینہ ہوائی فائرنگ کرنے والے نوجوان کو پولیس نے گرفتار کر لیا۔

پولیس کےمطابق ملزم نےاپنی گاڑی سے وفاقی وزیر کی گاڑی کو اوور ٹیک کرنے کے بعد ہوائی فائرنگ کی، واقعے کے فوری بعد پولیس نے کارروائی کرتے ہوئے نوجوان کو اسلحے سمیت گرفتار کر لیا۔

پولیس کا کہنا ہےکہ ہوائی فائرنگ کا واقعہ ڈیفنس اے کی حدود میں گزشتہ رات پیش آیا،ملزم کی گرفتاری کے لیے سیف سٹی اتھارٹیز اور جدید ٹیکنالوجی کی مدد لی گئی۔

اس حوالے سے وفاقی وزیر اطلاعات عطا اللہ تارڑ نے کہا کہ اہل خانہ کے ساتھ جارہا تھا، گاڑی نے بائیں جانب سےکراس کیا اور نوجوان نے5 فائر کیے، انہوں نےکارکا پیچھا کیا اور ناکے پراطلاع دی، نوجوان نےمجھے ٹارگٹ کر کے فائرنگ نہیں کی، بلکہ ہوائی فائرنگ کی۔