امریکی فوج کا تین ایرانی تیل بردار جہازوں کو تباہ کرنےکا دعویٰ

واشنگٹن (صداۓ سچ نیوز) امریکی فوج نے پاسداران انقلاب کی جانب سے امریکی بحریہ کے 2 جنگی جہازوں پر میزائل حملے کے بعد 3 ایرانی آئل ٹینکرز کو تباہ کرنے کا دعویٰ کیا ہے۔

سینٹ کام کے مطابق ایران کی جانب سے امریکی طیارہ بردار بحری جہاز اور  گائیڈڈ میزائلوں سے لیس ایک جنگی جہاز پر بیلسٹک میزائل داغے گئے تاہم دونوں حملے ناکام رہے اور امریکی فوج کا کوئی نقصان نہیں ہوا۔

سینٹ کام کے مطابق جوابی کارروائی میں امریکی بحریہ نے خام تیل لے جانے والے 3 ایرانی جہازوں کو نشانہ بناکر تباہ کردیا۔ امریکی حکام کے مطابق دو جہازوں کو آبنائے ہرمز اور ایک جہاز کو خیلج عمان میں نشانہ بنایا گیا۔