ملک میں سالانہ بنیادوں پر مہنگائی بڑھنےکی شرح 11.53 فیصد پرپہنچ گئی

اسلام آباد (صداۓ سچ نیوز) وفاقی ادارہ شماریات نے مہنگائی سے متعلق سالانہ رپورٹ جاری کردی۔

ادارہ شماریات کے مطابق سالانہ بنیادوں پر مہنگائی بڑھنےکی شرح 11.53 فیصد پرپہنچ گئی ہے جب کہ ملک میں ہفتہ واربنیادوں پر مہنگائی میں 0.21 فیصد اضافہ ہوا ہے۔

ادارہ شماریات نے بتایا کہ ایک ہفتے میں 20 اشیاء کی قیمتوں میں اضافہ ہوا، حالیہ ہفتے 10 اشیاء سستی اور 21 اشیاء کی قیمتیں مستحکم رہیں، ایک ہفتےمیں مرغی7.25 اور لہسن 1.85 فیصد مہنگا ہوا جب کہ حالیہ ہفتے دال چنا 1.30 فیصد مہنگی ہوئی۔

اسی طرح ایل پی جی 1.17، انڈے 0.72 اور چاول 0.55 فیصد مہنگے ہوئے، ڈیزل کی قیمت میں 3.43 فیصد،کیلے 1.52 اور چینی 1.05فیصد سستی ہوئی، اسکے علاوہ آلوکی قیمت میں 0.96 فیصد، پیٹرول 0.65 اور دال مونگ 0.63 فیصد سستی ہوئی۔

ادارہ شماریات کے مطابق  سالانہ بنیادوں پر پیاز کی قیمت میں 114.20 فیصد اضافہ ریکارڈ کیا گیا، سالانہ بنیادوں پر ایل پی جی 66.59 اوربجلی چارجز 58.59  فیصد بڑھ گئے،سالانہ بنیادوں پرڈیزل 44.50 فیصد اور پیٹرول 44.05 فیصد مہنگا ہوا۔

سالانہ بنیادوں پرگندم کا آٹا 32.65 اور مرچ پاؤڈر 15.55 فیصد مہنگا ہوا، ٹماٹرکی قیمت میں 45.52 اور آلو میں 39.54 فیصد کمی ہوئی جب کہ سالانہ بنیادوں پر چینی 21.95 فیصد، انڈے17.47 اور نمک پاؤڈر 14.81 فیصد سستا ہوا۔