چین نے امریکا اور ایران کے درمیان ثالثی کی پاکستانی کوششوں کی حمایت کردی

بیجنگ (صداۓ سچ نیوز) چین نے امریکا اور ایران کے درمیان ثالثی کی پاکستانی کوششوں کی حمایت کردی ہے۔

 ترجمان چینی دفتر خارجہ نے پریس بریفنگ میں کہاکہ جنگ بندی اور امن مذاکرات کی کوششیں اہم اقدامات ہیں، چین کشیدگی میں کمی کی تمام کوششوں کی حمایت کرتا ہے۔ مشرق وسطیٰ میں امن و استحکام اور سمندری آمدورفت کے راستوں کی بحالی عالمی برادری کے مفاد میں ہے۔

 ترجمان نے کہا چین خود بھی مشرق وسطیٰ میں قیام امن کیلئے انتھک محنت کررہا ہے۔ خطے میں تمام فریقوں کے ساتھ رابطے برقرار ہیں۔

دوسری جانب بلومبرگ کا اپنی رپورٹ میں کہناتھا کہ ترکیہ عرب ممالک کو ایران کے خلاف جنگ میں شمولیت سے روک رہا ہے، انقرہ سعودی عرب، متحدہ عرب امارات، قطر اور دیگر کو ضبط اور تحمل کی تلقین کررہا ہے، خلیجی ممالک کو ڈر ہے ایران اہم بنیادی ڈھانچے جیسے بجلی اور پانی کی سہولیات کو نقصان نہ پہنچائے۔