عالمی یوم ہیموفیلیا، کمشنر سرگودھا کا سندس فاؤنڈیشن کا دورہ، بچوں سے اظہارِ شفقت اور ڈونرز کو خراجِ تحسین

سرگودھا (صداۓ سچ نیوز) کمشنر سرگودھا ڈویژن حافظ شوکت علی نے آج 17 اپریل عالمی یوم ہیموفیلیا کے موقع پر سندس فاؤنڈیشن کا دورہ کیا۔ انہوں نے زیرِ علاج بچوں سے ملاقات کی، انہیں پھول پیش کیے، ان پر دستِ شفقت رکھا اور ان کی جلد صحت یابی کے لیے دعا کی۔

کمشنر نے ہر بچے کے پاس جا کر ان کی خیریت دریافت کی اور ان کے حوصلے کو سراہا۔

یہ بھی پڑھیں: افغانستان جنگ میں 18 سال لگے، ایران جنگ 2 ماہ میں ختم ہورہی ہے، ڈونلڈ ٹرمپ

کمشنر نے فاؤنڈیشن کے مختلف شعبہ جات کا معائنہ بھی کیا اور وہاں موجود ڈونرز سے ملاقات کرتے ہوئے ان کی خدمات کو خراجِ تحسین پیش کیا۔

انہوں نے فاؤنڈیشن کے لیے اپنے بھرپور تعاون کی یقین دہانی کراتے ہوئے کہا کہ دکھی انسانیت کی خدمت ایک عظیم فریضہ ہے۔اس موقع پر اظہارِ خیال کرتے ہوئے کمشنر سرگودھا نے کہا کہ "تشخیص علاج کی طرف پہلا قدم ہے”، لہٰذا بروقت تشخیص کے ذریعے ہیموفیلیا جیسے امراض پر قابو پایا جا سکتا ہے۔

یہ بھی پڑھیں: یاسمین انصاری کی ٹرمپ پر سخت تنقید، دماغی توازن پر سوال اٹھا دیا

انہوں نے کہا کہ ایسے بچوں کی بحالی کے لیے معاشرے کے ہر فرد کو اپنا کردار ادا کرنا ہوگا تاکہ یہ بچے تعلیم حاصل کر کے عملی زندگی میں بھرپور حصہ لے سکیں۔انہوں نے شرکاء پر زور دیا کہ وہ حکومتی کفایت شعاری اقدام پر عملدرآمد کو یقینی بنائیں۔

کمشنر نے تاجر برادری اور ٹرانسپورٹ سیکٹر کی جانب سے کفایت شعاری اقدامات پر عملدرآمد کو سراہتے ہوئے امید ظاہر کی کہ دیگر شعبے بھی اس ضمن میں بھرپور تعاون کریں گے۔