صومالیہ کے قریب بحری قزاقوں کا آئل ٹینکر پر حملہ ، 11 رکنی پاکستانی عملے کی بازیابی کیلئے کوششیں تیز کر دی گئیں

اسلام آ باد (صداۓ سچ نیوز) صومالیہ کے قریب بحری قزاقوں نے آئل ٹینکر پر حملہ کرکے جہاز کو یرغمال بنا لیا ہے، گیارہ رکنی پاکستانی عملے کی بحفاظت بازیابی کے لیے ریسکیو کوششیں تیز کر دی گئیں  ہیں ، وفاقی وزیر بحری امور جنید انوار چوہدری نے واقعے کی رپورٹ طلب کر لی ہے۔

وفاقی وزیر بحری امور جنید انوار چوہدری نے متعلقہ اداروں کو ریسکیو آپریشن مزید مؤثر بنانے کی ہدایت کر دی۔ وزارت بحری امور اور متعلقہ ادارے مسلسل رابطے میں ہیں اور صورتحال پر کڑی نظر رکھی جا رہی ہے۔

یہ بھی پڑھیں: ایران نے آبنائے ہرمز سے تحویل میں لیے گئے اسرائیلی جہاز کی تصاویر جاری کردیں

وزارت بحری امور نے وزارت خارجہ سےفوری سفارتی رابطوں کی درخواست کر دی۔ پاکستانی عملے کی رہائی کیلئےصومالیہ کی حکومت سے رابطے کی کوششیں جاری ہیں۔