اسرائیل کا غزہ پر فضائی حملہ، اپارٹمنٹ تباہ، اسپتال کو بھی نشانہ بنایا

غزہ (صداۓ سچ نیوز) اسرائیل کی جانب سے غزہ پر فضائی حملے سے اپارٹمنٹ مکمل طور پر تباہ ہوگیا۔

عرب میڈیا رپورٹس کے مطابق اسرائیل نے غزہ پر فضائی حملہ کیا جس کے نتیجے میں ایک اپارٹمنٹ تباہ ہوگیا جبکہ صیہونی فورسز کی جانب سے اسپتال کی عمارت کو بھی نشانہ بنایا گیا۔

اس کے علاوہ گزشتہ روز بھی غزہ میں چیک پوائنٹ پر حملے میں 5 پولیس اہلکار اور ایک بچہ شہید ہوئے جبکہ متعدد افراد زخمی بھی ہوئے تھے۔

دوسری جانب  اسرائیل نے جنوبی لبنان میں اسپتال کے قریب علاقے میں فضائی حملہ کیا جس سے 15 افراد شہید ہوگئے اور طبی عملے کے 25 ارکان زخمی بھی ہوئے۔

یہ بھی پڑھیں: ایران سے معاہدے کے بیشتر امور طے، اعلان جلد متوقع، امریکی صدر کی تصدیق

ادھر لبنان کی مزاحمتی تنظیم حزب اللہ کا کہنا ہےکہ ایف پی وی ڈرونز کے ذریعے آئرن ڈوم کے چار لانچرز کو نشانہ بنایا۔