شہریوں سے عیدی مانگنے پر پولیس اہلکاروں کے خلاف بھیک مانگنے کا مقدمہ درج

لاہور: شہریوں سے عیدی کے نام پر رقم وصول کرنے کے الزام میں پولیس اہلکاروں کے خلاف بھیک مانگنے کا مقدمہ درج کر لیا گیا۔

ایف آئی آر کے مطابق تھانہ شاہدرہ کے علاقے میں ڈیوٹی پر موجود متعدد پولیس اہلکار مبینہ طور پر گاڑیوں اور موٹر سائیکل سواروں کو روک کر عید کے موقع پر عیدی طلب کر رہے تھے۔ اطلاع ملنے پر پولیس ٹیم نے کارروائی کرتے ہوئے اہلکاروں کو موقع پر چیک کیا۔

تفصیلات کے مطابق شہری فلوق مسیح نے الزام عائد کیا کہ پولیس اہلکاروں نے اس سے زبردستی عیدی کے نام پر 6500 روپے وصول کیے۔

یہ بھی پڑھیں: ملک بھر میں آٹے کی قیمتوں میں بڑا اضافہ، کراچی سب سے مہنگا شہر بن گیا

قانونی ماہرین کے مطابق سرکاری ملازمین کی جانب سے شہریوں سے رقم طلب کرنا نہ صرف ضابطہ اخلاق کی خلاف ورزی ہے بلکہ اس سے پولیس کے ادارہ جاتی تشخص پر بھی منفی اثرات مرتب ہوتے ہیں۔ حکام کا کہنا ہے کہ تحقیقات مکمل ہونے کے بعد ذمہ دار افراد کے خلاف قانون کے مطابق کارروائی کی جائے گی۔